من نوادر جحا على شكل قصائد

جحا وامه
جحا فى يوم امه قالت له تسع شهور شايلاك فى عذاب
ولما كده تنسانى حرام عليك دنا جسمى انصاب
جحا استمع لعتاب امه وقال كلامك ورطنى
عشان تكونى صحيح راضيه يلا ادخلى جوه فى بطنى
.................................................................................
قميص جحا
قميص جحا منشور فى غسيل فوق السطوح زى العاده
وقع القميص اكمنه خفيف كان الهوا يومها زياده
جحا انبسط قال لمراته أنا انكتب لى عمر جديد
لو كنت جوه قميصى صحيح كنت اتقتلت ومت أكيد
............................................................................
مين صاحب الغيط
جحا زرع فدان برسيم قام شاف حرامى بيسرق فيه
زعق وقال له بتعمل ايه وجاى فى غيطى يا مجرم ليه
رد الحرامى وقال زرعى انا حر افعل فيه ما اشاء
صدق جحا بسلامته وقال صحيح يا ناس الجهل غباء
.............................................................................
الدنيا حظوظ
حاول جحا يعمل صياد وجاب له مخله وسناره
اول ما راح عشان يصطاد سنارته شبكت فى حماره
..................................................................................
يصدق مين
جحا قرف من جار متعب بيقوله سلفنى حمارك
خبط عليه الصبح وقال افتح لى افتح دنا جارك
ارجوا وتسمح بحمارك اروح عليه مشوار مطلوب
قال له جحا انا بعت حمارى وكان عليا نصيب مكتوب
لسه جحا بيقول ويعيد قام الحمار نهق فى الدار
قال له جحا صدقنى يا شيخ بقى تصدقنى ولا الحمار
وده مهما كان بالطبع حمار
....................................................................
انتظروا المزيد

هههههه
مشكووووووور كتير روعة
تقبل مرورى

ههههههههههههههههههههه

ههههههههههههههههههههههههه
هههههههههههههههه

هههههههههههههههههههههههههه
مشكور خيو