memoo200 مطلوب للعدالة ( نرجوا من memoo200 حضور الجلسة )

شوف بقي
ايه اكتر كلمه تعصبك؟
ياتري انت دخلت الكليه اللي انت قيها باختيارك ؟
لو مكنتش دخلتها يا تري كنت هتدخل ايه؟
ايه هي مواهبك؟ يعني بتحس بوجودك وانت بتعمل ايه؟
اوصف لنا احساسك لما عرفت انك قعدت علي كرسي الاعتراف؟

اسئلتي بقا يا برنس
-متى تحب الجلوس لوحدك

-.ماهي طريقتك الخاصة لتتعامل مع حزنك

-.ماهو العيب الذي تتمنى التخلص منه في شخصيتك..!!


.هل يلتئم الجرح بعد كلمة اسف-

.هل تبــكي على موت إنســان جرحك يومــا ما

شو حكمتك بالحياة؟

متى اخر مرة بكيت وعلى شو بكيت؟

دمعة سقطت من عينيك ؟ من كان سببها ؟

ماذا تعني لك كل من

الزواج _الصداقة _الحب _العدل _المنتدي _القمر _الليل _السكينة _الاقصى
_النميمة _النفاق _فراشة الحب

اذا كنت قلم وممحاة ماذا كنت ستكتب وستمحي ؟

وانا بسال
1-هل انتا من النوع اللى بمشى رايه على اخواته البنات لمجرد انه ولد
2-اعطى لقب لكل عضو تعرفه بالمنتدى
3-هل عمرك جربت تطبخ لنفسك
4-عرفت المنتدى منين
5- اختصر حياتك بجمله
6-انا قرات بموضوع انكم مو بتحبو البنت الخجوله هل ده صحيح
حتى لو كان جوابك اه فانا كده دلوقتى

ههههههههههههههههههه
ماشى يا اخ صالح هجوابك وريحك
1- سر 200؟
كنت خارج انا واصحابى وكلهم مكنش معاهم غير تمن تزكارة السينما وانا كان معايا 200 جنية
فعدت اضحك عليهم وتريق وقولهم يلا هعطف عليكوا واعزمكوا على الغدا وبعدين دخلنا السينما وبعد لم خرجنا اكتشفت انى اتسرقت يعنى خارج من غير المحفظة ومن ساعتها وهما طلعوا عليا ميمو 200

شوفت ههههههههه
اجابة الاخت ايسو
1- اية اكتر كلمة تعصبك؟
كلمة ياريت
2-ياترى انت دخلت الكلية الى انت فيها باختيارك ؟
لا
3-لو مكنتش دخلتها كنت هتدخل اية؟
كنت هدخل صيدله لانها كانت حلم حياتى
4-اية هى مواهبتك؟وبتحس نفسك وانت بتعملها؟
وانا بلعب كورة
5-اوصفلنا احساسك لم عرفت انك اعدت على كرسى الاعتراف؟
موت من الضحك وما كنتش قادر امسك نفسى
ومبسوط علشان الى عايز يسال عن حاجة ومكسوف يسال وياخد راحتة

ماشى يابرنسيسة
اسئلة الاخت فلسطنية وافتخر
1-متى تحب ان تجلس لوحدك؟
لم بكون مضايق
2-ماهى طريقتك الخاصة لتتعامل مع حزنك؟
بمشى لوحدى وبحاول اتغلب على حزنى واكون اقوى منه لانى مبحبش حد يشوفنى وانا حزين بخاف حد يزعل منى او عليا
3-ماهو العيب الذى تتمنى ان تتخلص منه فى شخصيتك؟
العصبية
4-هل يلتئم الجرح بعد كلمة اسف؟
على حسب الجرح لان فى حاجات متتغفرش
5-هل تبكى على موت انسان جرحك يوما ما؟
اكيد لانى فى نهاية انا انسان وعندى مشاعر
6-شو حكمتك بالحياة؟
اعمل لدنياك كانك تعيش ابدا واعمل لاخرتك كأنك تموت غدا
7-متى اخر مرة بكيت ؟وعلى شو بكيت؟
لم اهلى سافروا بكيت على فرقهم

طب قولى يا عم






1- انت اية حكايتك مع الغربة يلا قول كل الى عندك مش عارف انتا لية بتحب مصر شكلك شربت من نيلها؟

بص يا اخ صالح الى ملوش خير فى بلده فاكيد ملوش خير فى بلد تانية
وبعدين انا بحب الدول العربية والاسلامية زى مصر بظبط
وبعدين ليا حق احب بلدى يعنى لم تكون طالع الاول على المدرسة ويجى واحد تانى ياخد مكانك لانك فى بلده ومينفعش تكون اعلى منه يعنى هو احق بالنجاح لانها بلده انما انت ملكش حق ولازمة
شوف احساسك اية لم حد ياخد مكانك وقولى

اسئلة الاخت فراشة
1- دمعة سقطت ؟ومين كان سببها
دمعة نزلت على فراق اهلى وسببها انى حسيت بالغربة والوحدة وانا فى بلدى
2-ماذا تعنى لك كل من
*الزواج:الاستقرار
*الصداقة:اجمل حاجة بس لم تكون بجد
*الحب:حاجة كويسة لم يكون بين الناس
*العدل:اهم شئ وبتمنى يتحقق
*المنتدى:حبيب قلبى ههههههههههه
*القمر:الرومانسية
*الليل:الراحة والاسترخاء والهدوء
*السكينة:راحة البال
*الاقصى:غالى عليا وبتمنى اكون من شهدائه
*النميمة:حاجة بشعة
*النفاق:الله يبعدنا عنه بجد حاجة خطيرة لان من اول من هيدخل النار النافقين واليعوذ بالله اللهم عفينا يارب
*فراشة الحب:ههههههههههه مش عارف اجاوب بس هى اخت طيبه اوى
وبنت محترمة ودمها خفيف ربنا يوفقها
3- لوكنت قلم وممحاة ماذا كنت هتكتب وماذا كنت هتمحى؟
كنت هكتب لا للفرقة ونعم لتوحيد
وكنت همحى الظلم والالم والحزن والدموع لناس

الاخت اتش كراى بيبى
1-هلى انت من النوع بمشى رايه على اخواته البنات لمجرد انه ولد؟
ههههههههههه الحمدلله معنديش اخوات بنات
بس لو كان عندى مكنتش همشى رائى عليهم لمجرد انى ولد بس لانى كلامى صح
ويتقنعنى بكلامها ياقنعها
2-اعطى لقب لكل عضو تعرفة
*روميو:طيب وزعيم
*الامل الضائع:روشة
*فراشة الحب:طيوبة ولذيذة
*فلسطنية وافتخر:عصبية
*ايسو:جدعة
*صالح:مشاكس
*اتش كراى بيبى:دمها خفيف
*ريمو:غامضة وخجولة
*اميرة فلسطين:مشاكسة
3- عمرك جربت تطبخ لنفسك؟
ههههههههههههههههههههههه ولية الاحراج دة بس
اها جربت بس كلها مشاريع وبتفشل وفى الاخر بتترمى فى الزبالة
4-عرفت المنتدى منين؟
كنت بدور على حاجة ولقيتها فية ولفت نظرى وعجبنى فسجلت فيه
5-اختصر حياتك بجملة؟
حياة متغيرة ومتجددة ومشتتة وغير مستقرة
6-انا قرات بموضوع انكوا مو بتحبو البنات الخجولة هل دة صحيح؟
لا مش صحيح لان جمال البنت فى حيائها وخجلها

اسئلة الاستاذ صالح
1- ماهى عيوبك الى انت شايفها فى نفسك والى غيرك شايفها فيك؟
العصبية
2-اكتر موقف صعب ؟واكتر موقف محرج مريت بية؟
الموقف الصعب وفاة واحد صاحبى الله يرحمه ويجعل مسواه الجنة اللهم تقبل منى
الموقف المحرج كنت رايح انا واحد صاحبى نزور واحد صاحبنا ولقيقنا مستنيا قدام البيت واول ما وصلنا فتح الميه علينا وبتبهدلنا وكان قدام الناس كلها
هههههههههههههههههههههههههه
3-شو عيوب ومميزات المنتدى من وجهت نظرك؟
المميزات انه مفهوش حاجة موسيئه وان الادارة بتعاملنا زينا زيها بظبط واننا كلنا اخوات وان كل الاعضاء اجتماعين
وان الاوبشن بتاعه سهل
عيوبة انه روتينى
*رقم تليفونك واباسورد بتاع المنتدى؟
هههههههههههههههههه مش محتاج مفتاح الشقة والعربية بالمرة يعنى شوف اذا كنت ناسى حاجة علشان ابعتلك كله مرة واحدة
4-حط اسم العضو المناسب بالمكان المناسب؟
*عضو بتحبه وبيعجبك شخصيتة:رامى
*عضو زعلان:فلسطنية وافتخر
*عضو تحسه بكاش:صالح
*عضو نفسك تكلمه:نوكومنت
*عضو جرئ:صالح
*عضو ده تقيل وماتقولش مفيش:هههههههههههههه انا دمى تقيل وبشرب ميه كتير علشان يخف بس مفيش فايدة مش عارف اعمل اية الى يلقى علاج يقولى ههههههههههه

من هو تؤام روحك؟
ما هي اكتر ميزه بحياتك؟
ايه العقاب اللي بتوقعه علي اي شخص يضايقك؟

اسئلة ايسو
1-ماهو تؤام روحك؟
ابن عمى
2-ماهى اكتر ميزة بحياتك؟
اصحابى
3-اية العقاب الى بتوقعه على الشخص الى يضايقك؟
بعرفه هو ضايقنى فيه وبلومه وبسيبه لضميره يعذبه

الاخ صالح
هههههههههههههه مش هفرح زيادة مستناى اسئالتك بس انا مرح لانى بعتبركوا كلكوا اخواتى

ما مدي علاقتك باخوك الاكبر؟والاصغرظ
هل انت اقرب للاهل ام للاصدقاء؟

نبتدي الاسئله
قولي يا استاذ ميمو ..
حد نفسك تقوله اسف مين
حد نفسك تشكره
حد نفسك تاخده الم المين تلاته مين
حد نفسك تقتله
حد كل ما اتشوفه تقوله ربنا يخدك مييين
واخيرا ايه رايك في نفسك ..يعني في عيب تحب تصلحه
وايه رايك في دراستك ومناهج الكليه عامه
شويه وراجعللك

هل تحب المفاجأت؟
هل تفكر دائمآ بأوقات السعادة الماضية؟
هل تعتقد ان الحياة قصيرة؟
هل تمنعك مشكلاتك من النوم؟اي هل تنسى عادة بصعوبة همومك ومتاعبك؟
باقة ورد لمن تهديها؟
هل تؤمن بالحب من اول نظرة؟
"الي راح راح وما تفيد كلمة يا ريت" اذا اردت ان توجه هذه العبارة لنفسك فماذا تقصد بها؟

وهيك خلصو الاسئلة يلا بأة جاوب