من طرف حكم الشريعه الاسلامية فى الشات بين الولد والبنت
السلام عليكم ورحمة الله وبركاته
أولا : انا فضلت اعرض الموضوع دا لان تقريبا كلنا قمنا بهذا العمل الا أقل القليل منا
ومنذ سنين ونحن نفعل هذا ولكن هل فكر احد ماذا أفاده هذا العمل ؟؟؟
هل لاحظ احد تغير شكل حياته عندما كان يفعل هذا ؟؟؟
وعندما تتكلم مع احد منهم يقول لك (( دا زى اختى يابنى )) وهى تقولك ((
لالالالا دا زى اخويا ))
طيب هل حد فيهم يقدر كدا يكلمك ع تليفون منزله ؟؟؟
او حتى أمام أهله ؟؟؟ هل تستطيع زيارة أحد منهم فى منزله ؟؟؟
مش هو دا اللى بيحصل لو احنا اخوات نزور بعض نكلم بعض قدام اى حد ؟؟؟
وبعدين شوف بقى اللى يحصل
عمرك ما تكلم واحده او واحد الا لما تلاقى هموم الدنيا كلها فيه
تلاقيه عمال يعيط ويشتكى من كل حياته
طيب هو مسألش نفسه حياته شكلها ليه كدا ؟؟؟؟؟
لانه لا بيصلى ولا بيقرأ قرآن ولا يقوم ليل وقاعد شغال كتابه الله ينور او مايك
او موبايل مش فاضى يبص قدامه اساسا
وتيجى تكلم الولد فيهم تسمع أحلى كلام انا مابضحكش ع البنات / هو انا
كلمتك ف حاجه غلط / هو انا زعلتك
طبعا هى مش حاسه بنفسها اصلا تقعد تحلف بالله انك ولد ماشفتش زيك وانت اجدع
واحد قابلته
وتقعد تقول فيك شعر
ونفس الموضوع يتكرر معاكـ
وعمر ماتلاقى بنت بتستمر مع ولد ف الشات فترات طويلة
لان اصلا الموضوع كله تسلية وتضييع وقت
ومجرد ماتزهق تدور ع غيركـ
وتلاقى الزهق اشتغل شويه منك وشوية منها
والموضوع ينتهى ع كدا
تيجى تسأل شاب منهم ايه رأيك لو تتجوز صحبتك من ع الشات
تلاقى الرد (( انت عبيط يابنى وهى دى تتآمن اصلا ياعم دا صايعه وبتاع شات ))
يبقى هى خسرت كل حاجه دين ودنيا
دين لانها بسم الله ماشاء الله سنه كامله بتشيل ذنوب وياترى هاتعرف تكفرها ولا
لأ
دنيا لان الاستاذ اللى قعدت تحلم بيه سنه طار من ايدها
فياريت كلنا نفكر فى الموضوع بدقه شوية
دا كان رأيى انا وآسفة ان كنت اطالت عليكم
تاغس: كن مع الله
يا رب يكون فيه نقاش كده علطول بس من غير ما توصل لنظام التلقيح والتوريه
