من طرف السلام عليكم ورحمه الله وبركاته
ازيكو ياحلوين اخباركو ايه
من غير تريقه كدا قولو رايكو بصراحه
معلش بقا حاجه ع قدي لسه مبتدئه ^_^
~¤¥ فارس أحلامي ¥¤~
لما بمشي وبسمع
عن فارس أحلام صحباتي @ بلقي الوصف كدا كالأتي
ال عاوزه واحد سوبر @ ويكون عايش ف إكتوبر!!
وال تقول لازم رومانسي @ ويحسسني إني نانسي!!!!
وال عاوزه جميل أمور @ ومش مهم اذا كان وقور!
واحده تقول أنا مشبوكه @ أبص القاها مش مخطوبه
أصل هي عارفه نصيبها @ فاكره هتتجوز حبيبها!!
وال عاوزه كول مفيش @ عامل شعره كنيش كرانيش!
فجأه شفت واحده ساكته @ قلت بس..هي ال العاقله
أما سألت وقلت يابنتي @ طـيـب دورك يــلا انـتـي
قالت ايه بقا يا اخونا! @ عاوزه حد له ف المغنا!
او يكون واحد مذيع!!!! @ ومسبسب شعره بلميع!!!
وال تقول عاوزاه مشهور @ وافضل مخطوباله شهور!!
واللى عـاوزه مـليـونير @ ويغرقها ف الدنانير!!!
كل يوم عربيه موديل!!! @ ويجبلها قصر ع النيل!!
واما أقول أحلام ورديه @ يبقوا هيعـمـلولي دوريه
واحده تقولي بنت غريبه @ ده تعقيد....فعلا عجيبه
واللى تقولي لأا غلطانه @ بكره نشوف مين الكسبانه
أصل سـعـادتكـم أوهام @ احنا فـى دنيا مش أفلام
انا مش عاوزه حد رومانسي@ولا كان يعرف أصلا نانسي
يعني لا عاوزه واد سوبر @ ولاا بكتب شعر فى إكتوبر
نفسي ف واحد يبقي ليا @ يبقي معايا مـش عـلـيا
ربنا يبقي وااهبه ليا @ وهـيـبـقالـي نور عنيا
هـعـمـله من الميه نار @ وهبنيله فى البحر فـنار
يـفـضـل يـنور طريقـه @ كـل ساعه فى وقت ضـيـقه
و أما يتوه ويجرب يرجع @ روحي مـركـب قـلبي مرجع
بس يـحـفظ عمري يصوني @ ومن باب البيت يطلبنـي
يبقي مثقف أعرف اجادله @ مش متشدد افضل اشاكله
يـسمع رأيي يـمكن ينفع @ او كـلامه يـبـقي مقنع
عـاوزه يكون دمـه خفيف @ والإسلام على عـمره سيف
أما بطاااعته ليا الجنه @ ومـعاه انا دايما هتهنه
له هـساعده وقـت ضيـقه @ وهـكـون صـحـبه وصديقه
هـقـبل فـيه كـل عيوبه @ ومـش مـهـم فلوس جيوبه
أصلي هعيش مع شـخـصـيه @ مـش مـع صوره ولا عربيه
كتب بقلمي مع ارق تحياتي(^_^)أنين الصمت(^_^)غريبه ف دنيا عجيبه
عدل سابقا من قبل أنين الصمت في الجمعة يوليو 01, 2011 8:48 pm عدل 2 مرات
